Kasama kang tumanda

Alam ko sa ngayon, nasa kalahati ang naniniwala na may forever pa at nasa kalahati rin yung hindi na naniniwalang may forever pa, hm, hindi pa naman nila nasubukang tumanda ng ganyan, hindi nyo ba nasubukang mapansin yon sa mga lolo't lola nyo? Kung bibigyang halaga natin ang mga yon, malalaman natin na may forever pa naman talaga eh, kasi nga sadyang may mga puso pa rin namang nagmamahal nang pang-matagalan, pang-habambuhay, tapat, totoo sa nagiisang mahal sa buhay nila. Yung mga pusong nagmamahal, yun yung mga tipo na kung magmahal ayaw ng may katapusan. Hindi lang dahil sa nangako sila sa isa't isa at nagsumpaan sa harap ng Diyos at sa maraming tao kundi sa mga kaibuturan ng puso nila sa isa't isa ang pangakong yon ay walang sinuman o anuman ang makakahadlang sa pag-iibigan nila. Hindi nila kailangan ng ibang tao para lang ipakita kung gano nila kamahal yung taong mahalaga sakanila, ang presensya ng isa't isa ay sapat na. Minsan nga, naiiyak ako sa mga lolo o lola na nakikita kong dumadalaw sa puntod ng taong pinakamamahal nila, hindi ko alam kung pano ipaliwanag ang lungkot na nadarama ng mga 'yon sa mga panahong nauna na yung taong mahal nila, siguro labis-labis na sakit ang nararanasan nila sa mga puso nila, kasi kung iisipin, sa ilang taong pagsasama eh matatapos rin pala pero alam ko na sa mga panahon ding yon, may tuwa at saya rin naman na kapalit dahil, sa wakas, nalampasan nila ang mga pagsubok na dumating sa buhay nila, hindi man nila ginusto ang mga pangyayari, kailangan tanggapin, ang mahalaga, naging masaya sila sa mga panahong nagmamahalan sila, hindi nila hinayaan na mauwi sa lahat ang sakripisyo na ibinigay nila para umabot sila sa ilang taong pagsasama, tanging kamatayan lang ang nagpahiwalay sakanila, pero di bale, sa kabilang buhay, kung saan naroon ang kaharian ng Diyos, magsasama silang muli :) Kaya ako, hindi ako naniniwalang wala ng forever, meron, siyempre, hindi pa natin ito nararamdaman kasi wala pa tayo sa puntong makikilala na natin ang taong mamahalin natin ng pang-habambuhay, pang-matagalan at yung taong itinakda satin ng Diyos, darating rin siya, baka na-traffic pa :)